***
तारतम्य असते का भूक पेटल्यानंतर?
देवधर्म आठवतो भूक भागल्यानंतर.
का सशस्त्र क्रांतीचा मार्ग ठरविता वेडा
संगरात शहिदांनी रक्त सांडल्यानंतर
जोवरी मिळत नाही तोवरी अधाशी मी
मूल्य नष्ट वस्तूचे सौख्य लाभल्यानंतर
भोगतात उपरेपण भारतात सावरकर
अंदमान बेटांवर क्रौर्य सोसल्यानंतर
जेवढा तुझा आहे तेवढाच त्यांचाही
हक्क याच मातीवर जन्म घेतल्यानंतर
कोणत्या विचारांचा हा असेल अनुयायी
तर्क तो अनाठायी शेर वाचल्यानंतर
चांदरात त्यांच्याही जीवनास रंगवते
दिव्यचक्षु दोनाचे चार जाहल्यानंतर
- अभिजीत काळे.
२१ ऑगस्ट २०१९.
No comments:
Post a Comment