***
नेहमी दावते नवे गाजर.
वेळ करतेय का तुझा वापर?
लाट ओढून तो परत घेतो!
थेंबही त्यागतो कुठे सागर?
वेचला घाम दाम मिळवाया!
प्रेम देण्यासही जरा पाझर...
तळ दिसू लागलाय डोळ्यांना,
हात खोलात का तुझा? आवर.
एक शोधेन घाव ती म्हणते,
मी इथे वार मोजले शंभर.
होत जाती चुकुन चुका काही..
तोल जाणार माणसा सावर.
ओळ माझी तुझ्या सुरांवर गा.
वेळ पण नेहमी हवी कातर.
शोध घेशील मग कुठे माझा..
हरवलो आत मी तुझ्या जर.. तर?
फूल मातीतुनी उमललेले,
मोल पण मागते किती केशर..!
- अभिजीत काळे.
६ डिसेंबर २०१९.
No comments:
Post a Comment