***
शुभ्र भाळास लाभले पिंजर.
श्वास, रोमांच देहभर मंथर.
बोलली ती जरी न काहीही...
वाच डोळ्यांतले मुके अक्षर.
ती सती, पार्वती असो गंगा,
व्हायचा पण तुझा कधी शंकर?
आतला माजला कली आहे.
सद्गुणांचे सदैव अवडंबर.
शौर्य, साचार शील गवसेना,
संपले त्यांसवे म्हणे द्वापर!
रंगमंचावरील नाट्याचा...
अर्थ रंगीत पण फिकी झालर.
हात हातात घे तिचा आधी.
कुंडली पत्रिका बघू नंतर.
- अभिजीत काळे.
४ नोव्हेंबर २०१९.
No comments:
Post a Comment