गुढीपाडव्या निमित्त एक वृत्तबधद्ध कविता . . . . .
पावित्र्याची मांगल्याची आणि यशाची गुढी उभारू
आचरणाने मानवतेच्या कल्याणाची गुढी उभारू
स्वराज्य स्थापक स्वराज्य रक्षक शिव - शंभूंना अाज आठवू
अनंत अक्षत स्वातंत्र्याच्या अभिमानाची गुढी उभारू
मृत्यूंजय जो खरा जाहला प्राण अर्पिला धर्मासाठी
त्या शंभूच्या स्मृतीस वंदुन जरीपटक्याची गुढी उभारू
इतिहासाचे स्मरण ठेउनी वर्तमानही पुढे नेउया
सार घेउनी असार त्यागू मानव्याची गुढी उभारू
त्यागाचे अन वैरग्याचे सामर्थ्याचे प्रतिक भगवा
त्या भगव्याला करून मुजरा नववर्षाची गुढी उभारू
- अभिजीत काळे.
१८ मार्च २०१८.
No comments:
Post a Comment