***
दुराव्याने सतवल्यावर विरह छळतो मनाला
तुझ्या प्रेमात भिजल्यावर विरह छळतो मनाला
तुझ्या ओठांतले अमृत, नशा ती जीवनाची
तुझ्या ओठांस मुकल्यावर विरह छळतो मनाला
तुझ्या केसांत माळावे सुमन नाजुक सुगंधी
उगाचच फूल दिसल्यावर विरह छळतो मनाला
खुले नाजूक दवबिंदू गुलाबी पाकळीवर
गुलाबी गाल स्मरल्यावर विरह छळतो मनाला
जळाने दूर केल्यावर कसा मासा जगावा?
तुझे दर्शन हरवल्यावर विरह छळतो मनाला
- अभिजीत काळे.
२९ नोव्हेंबर २०१८.
No comments:
Post a Comment