***
खटकतो फक्त तेथे मी जिथे गर्दन झुकत नाही.
जवळच्यांना कधी माझे कुठे झुकणे पटत नाही.
किती किंमत कुणी माझी करावी प्रश्न तो त्यांचा.
कशीही वेळ येवो पण स्वतःला मी विकत नाही.
कधी जिंकून गेलो मी, कधी हरलो, कधी सरलो.
कुठे पण बोललो सांगा कधीही मी चुकत नाही?
तुझ्या डबक्यातले पाणी तुला लखलाभ हो कृपणा.
कुबेराचा जरी स्नेही तुला कवडी सुटत नाही.
उभे आयुष्य मायावी असे कांंचन-मृगा जैसे,
पळा मागे धरायाला किती ते सापडत नाही.
- अभिजीत काळे.
२ डिसेंबर २०१८.
No comments:
Post a Comment