***
हजारो शब्द लिहितो पण मजा वाह् वा मिळाल्यावर ,
'गझल' होते तुझी राजा जरासा नम्र झाल्यावर.
स्वतःचा शोध घे मित्रा, जगाया पात्र हो मित्रा,
उपाशी वाघ जगतो का कधी त्या झाड पाल्यावर?
क्षणाचा मोह होतो नी तुझा माझा विरह होतो
मला तू शोधतो मित्रा, जगाचा वीट अाल्यावर.
घराला स्वच्छ ठेवावे मला भेटीस बोलवता,
तुझा मी होउनी राहीन सहा वैरी जळाल्यावर.
स्वतःची भेट घेताना तुला भेटेन मी वत्सा,
खरी ओळख तुला माझी तुझा हा 'मी' गळाल्यावर.
- अभिजीत काळे.
१८ ऑगस्ट २०१७.
No comments:
Post a Comment