***
उरात जखमा मनात शंका घरात तांडव घडून जाते
क्षणात ठिणगी पडून जाते उभी हवेली जळून जाते..
हव्या हव्याश्या अनंत इच्छा मनात कोंडत मनुष्य जगतो
नको नको त्या करून चिंता हयात सारी सरून जाते..
सुसंस्कृतीचा वरी दिखावा, असभ्य विकृत विचार ज्यांचे,
विचारसरणी गढूळ त्यांची सबळ कलीला करून जाते..
समर्थ नाही जगावयाला दुज्यावरी जो विसंबला तो,
प्रचंड लाटा चिरून जगतो, जहाज त्याचे तरून जाते..
नकोस दवडू क्षणैक वाया अमुल्य जीवन तुला मिळाले,
पळापळाने मुठीतुनी जे कळू न येता सुटून जाते..
- अभिजीत काळे.
३१ डिसेंबर २०१७.
No comments:
Post a Comment