***
दिसतो तसा नसावा आकार माणसाचा
असतो तसाच व्हावा आकार माणसाचा
इतिहास सत्य मोठे बदलू नये कधी ते
होता तसा लिहावा आकार माणसाचा
पाण्यात पाहणारे दुष्कृत्य लपवणारे
यांना कसा दिसावा? आकार माणसाचा
वरती 'खरा' दिखावा आतून ठार खोटे
त्यांचा गळून जावा आकार माणसाचा
बोलांत सत्य ज्यांच्या करणी परोपकारी
त्यांनाच तो मिळावा आकार माणसाचा
- अभिजीत काळे.
२१ ऑक्टोबर २०१८.
No comments:
Post a Comment