चल पुन्हा भेटून घेऊ त्या गुलाबी पाकळ्यांवर
स्वार होऊया जुन्याशा गावभरच्या वावड्यांवर
शांत डोहाला मनाच्या चांदण्याचे गूज सांगू
कोरली लेणी कशी या आसवांनी पापण्यांवर
कोणता होता ऋतू तो कोणता आहे ऋतू हा
चांदणे अविरत बरसते चंद्रमौळी झावळ्यांवर
केवढे एेश्वर्य अाहे नांदते हृदयात माझ्या
आरसा सांगेल कोणी मात केली चांदण्यांवर
दुःख कोणी जाणिले का सोसणार्या छप्परांचे ?
हक्क सांगे मात्र जो तो सौख्यदायी सावल्यांवर
- अभिजीत काळे.
१ मे २०१८.
No comments:
Post a Comment