ऐकून घे तिचेही मंजूळ बोल बाप्पा,
बघ, वेदना तिच्याही असतील खोल बाप्पा.
एकेक शब्द लाघव हलकेच घे उराशी
अर्थातली मधुरता हळुवार सोल बाप्पा
किलबिल किती मुलीची वाटे हवीहवीशी
कन्येविना पित्याचे आयुष्य फोल बाप्पा
लडिवाळ हाक यावी करपाश कंठदेशी
बापास यापरत्वे दुसरे न मोल बाप्पा
क्षण चार जीवनाचे त्यातील दोन गेले
ओसाड वाळवंटी मुलगीच ओल बाप्पा
- अभिजीत काळे.
१५ एप्रिल २०१८.
No comments:
Post a Comment