***
आकाश चोरण्याचा व्यापार मांडला
प्रेमास चांदण्यांचा आजार भोवला
केला गुन्हा फुलाने भुंग्यास कोंडले
वेड्या समर्पणाला आकार लाभला
त्यागात प्रेम असते ना जाणिले कुणी
स्वार्थी मनोगतांचा सत्कार चालला
नाकारला सुखाने आजन्म जन्म जो
एका तुझ्या स्मिताने साकार जाहला
भाऊ, बहीण, पत्नी, माता, पिता, मुले
मी देह सोडल्यावर बाजार वाढला
- अभिजीत काळे.
२३ ऑक्टोबर २०१८.
No comments:
Post a Comment