हा दिसतो अाहे केवळ बसलेला लावून घात.
काळाचे का मी मोजू मजवरचे लक्ष आघात?
हा भुरट्या चोर्या करतो, पाडून मला एकाकी.
हा काळ घालतो डाका, चोरून मनाची शांती.
बघ एके दिवशी याला, मी जाइन फसवुनी दूर.
हा काळ असो असलातर, जरी किती क्रूर निष्ठूर.
कालची, आज, उद्याची ही डोळ्यांना दिसणारी
सोलुनी फेकुनी द्यावी, त्रैमितिक स्मृती अंधारी.
आत्म्याने धारण केली, काळाची फेडुन वसने,
कालातीत व्हावे वाटे, तोडून बंधने सारी.
- शारदात्मज.
(अभिजीत काळे.)
१९ एप्रिल २०१८.
No comments:
Post a Comment