***
स्वर्गीय कल्पना मी केल्या कीती सुखांच्या
गात्रांस जाळले मी अग्नीत चांदण्यांच्या ?
बुडती अनेकवेळा गर्तेत कामनांच्या,
चकवे बरेच येती मार्गात मानवांच्या.
स्वप्ने उडावयाची हृदयात ढेकळांच्या,
कणसामधून शिरली पंखात पाखरांच्या.
शाळा कशी असावी जिवनात बालकांच्या ?
पाठीवरी हवी की डोक्यात लेकरांच्या ?
चर्चा घडून येता वाळीत टाकण्याच्या,
माणूस लक्ष्य झाला गर्दीत श्वापदांच्या.
- अभिजीत काळे.
२८ सप्टेंबर २०१७.
No comments:
Post a Comment