***
उभे नदीच्या दोन तिरांवर दोघे आपण.
ठाम विरोधी, दोन ग्रहांवर दोघे आपण.
आभासी तो अक्ष दुवा जो अपुल्यामधला
अढळ तरीही दोन ध्रुवांवर दोघे आपण
तर्क लढवतो, खरे नि खोटे उगळत बसतो.
राम, कृष्ण अन् बुद्ध तिघांवर दोघे आपण.
सत्य, अहिंसा, भोग, लालसा लाख मनोरे.
आपआपल्या घट्ट मतांवर दोघे आपण.
काळ लोटला भेट होउनी उभय मनांची
फूल, दवावर, मोरपिसांवर दोघे आपण.
(पुस्तकातल्या मोरपीसांवर दोघे आपण.)
तुझ्यात मी अन् माझ्यामध्ये तू वसलेला.
हल्ले करतो परस्परांवर दोघे आपण.
तू पाण्याचा सागर अन् मी व्यर्थ बुडबुडा.
अस्तित्वाच्या भिन्न स्तरांवर दोघे आपण.
- अभिजीत काळे.
२ एप्रिल २०१९.
No comments:
Post a Comment