***
कामिनीने एकदा शृंगार केला
कामनेने लाखवेळा वार केला
पापणीने पापणीला चुंबिले की?
निमिषभर डोळ्यांपुढे अंधार केला!
धर्मग्रंथांची दुकाने थाटलेली,
आंधळ्यांनी वाचुनी बाजार केला.
खेळ कोठे राहिले आता खिलाडू?
माणसाने तो नवा व्यापार केला
लाभुनी दृष्टी मला पाहू न शकलो
हाय माझा जन्म मी बेकार केला
खोल करते घाव जो भरणार नाही
हा जिभेवरती कुणी संस्कार केला
वासनेची काकदृष्टी साधकावर
संयमाने पण लढा स्वीकार केला
- अभिजीत काळे.
१४ जानेवारी २०१९.
No comments:
Post a Comment