***
नभाच्या आर्त अश्रूंनी इथे झरतो पहा श्रावण
मनाच्या खोल जखमेतून भळभळतो पहा श्रावण
रुजे गर्भात मातीच्या दिसाया गर्द हिरवा जो
मने चंचल फुलविण्या प्रेम पाझरतो पहा श्रावण
न लागो आग पाण्याने हृदय माझे जळे क्षण क्षण
सखे विरहात तुझिया केवढा छळतो पहा श्रावण
भुलविते साजिरे मोहक धरेचे रूप मनभावन
खुलविण्या रूप विश्वाचे नभी भरतो पहा श्रावण
खुणविता हाय मी तिजला मुखाला झाकुनी घेते
सखीच्या लाजऱ्या डोळ्यात बावरतो पहा श्रावण
. . . . . . . . . . . . . . शारदात्मज.
अभिजीत काळे.
२५ जुलै २०१७.
No comments:
Post a Comment