सावल्या

***

दिसतात सावल्या ज्या, नसती असून काळ्या,

अव्यक्त सावल्यांच्या रात्री अजून काळ्या.

फसव्याच चेहऱ्यांच्या विश्वास सत्य मानू 

तोंडावरी हसू पण हृदयामधून काळ्या

असते जरा अताशा आकाश कोंडलेले

हल्ली ढगात जातो रवि मावळून काळ्या

शब्दात आज त्यांच्या असलाच गोडवा तर 

व्यापार होत आहे त्यांच्या हातून काळ्या

डुलणार शेत आता हसणार अन् बळीही

फुलणार चंद्र तारे मातीमधून काळ्या.

                       - अभिजीत काळे.

                       ५ सप्टेंबर २०१७.