***
अंगांग स्पर्शिणार्या संवेदना सुखाच्या
दुःखास जाळणार्या संवेदना सुखाच्या
गात्रांत गोठलेल्या थकव्यास दूर करिती
भाळास चुंबिणार्या संवेदना सुखाच्या
सर्वस्व दान करुनी लुटतात वृक्षवेली
आनंद वाहणार्या संवेदना सुखाच्या
मी गंध मोगर्याचा तू धुंद रातराणी
गंधात नाहणार्या संवेदना सुखाच्या
चंद्रासवे नभांगण फुललेय चांदण्यांनी
अंधार चोरणार्या संवेदना सुखाच्या
पुलकित शहारलेल्या देहावरी निरंतर
रोमांच पेरणार्या संवेदना सुखाच्या
निःशब्द पोकळ्यांनी मौनात सांडलेला
गूढार्थ शोधणार्या संवेदना सुखाच्या
- अभिजीत काळे
१५ जानेवारी २०१९.
No comments:
Post a Comment