***
विश्वासघात झाला सलतात हाय जखमा!
रक्तात रंगलेल्या भरणार काय जखमा?
केलीत फाळणीने शकले अनेक रंगी!
हा भंगला नकाशा, ह्या खंडप्राय जखमा!!!
...
...
घायाळ सावल्यांच्या भरतील काय जखमा?
जगले सुखात त्यांना कळतील काय जखमा?
नाहीच औषधाला त्यांच्या उजेड नशिबी.
अंधार कोठड्यांना सलतील काय जखमा?
समशेर दोन हाती रक्ताळली शरीरे!
तोफा निनादल्यावर उरतील काय जखमा?
गेलीस सोडुनी तू अर्ध्यावरी मुलांना
झालो अनाथ आई, भरतील काय जखमा?
लेऊन लक्तरे ते जीवन मजेत जगले
हसऱ्या कलंदरांना छळतील काय जखमा?
- अभिजीत काळे.
२९ जुलै २०१९.
No comments:
Post a Comment