***
निवडणूक होते कुठे काय होते
फसवणूक होते कुठे काय होते
तिने पाहता गूढ हासून गाली
छळवणूक होते कुठे काय होते
उभा जन्म जातो मिरवण्यात शेवट
मिरवणूक होते कुठे काय होते
असे कायदा कायद्याचाच वैरी
अडवणूक होते कुठे काय होते
चुकीला बरोबर समजता चुकीची
गिरवणूक होते कुठे काय होते
कुणी काल केली कुणी आज करतो
पिळवणूक होते कुठे काय होते
स्वतःची व्यथा मांडल्याने जगाची
करमणूक होते कुठे काय होते
अभिजीत काळे.
No comments:
Post a Comment