***
भारतासमान देश या जगात नाही
सार्वभौम राष्ट्र श्रेष्ठ मूल्य लोकशाही
रंग-रूप-वर्ण गौण, ज्ञान श्रेष्ठ आहे
शब्द पाळण्यात मानपानशान राहे
राष्ट्रभावनेस लोकमान्यता पसंती
सार्वभौम राष्ट्र श्रेष्ठ मूल्य लोकशाही
गर्व तो अम्हांस भ‍ारतीय संस्कृतीचा
साम, दाम, दंड, भेद, मान कायद्याचा
धर्म, अर्थ, काम, मोक्ष, सत्य, प्रेम, नीती
सार्वभौम राष्ट्र श्रेष्ठ मूल्य लोकशाही
धर्म, पंथ, प्रांत, वेष, भिन्न मायबोली
ऐक्य, स्नेह, राष्ट्रप्रेम हीच देहबोली
येथल्या परंपरेत न्यून व्यंग नाही
सार्वभौम राष्ट्र श्रेष्ठ मूल्य लोकशाही
हिंदुमुस्लिमांसहीत जैन, शीख, ख्रिस्ती
नांदते मनामनात शुद्ध देशभक्ती
राष्ट्रतेज वाढवी मनी ध्वजा तिरंगी
सार्वभौम राष्ट्र श्रेष्ठ मूल्य लोकशाही
भारतासमान देश या जगात नाही
सार्वभौम राष्ट्र, श्रेष्ठ मूल्य, लोकशाही
- अभिजीत काळे.
No comments:
Post a Comment