तो

***

माणसाला नेमका कळतो कुठे तो

काळ कोणाला कसा नडतो कुठे तो

पुस्तके विद्वेष पसरवतात जेव्हा

प्रेम भरला शब्द सापडतो कुठे तो

शोध नसतो एवढा सोपा स्वतःचा

खोलवर जा बघ तुला दिसतो कुठे तो

पांढरे झालेत काही केस आता

अर्थ त्याचा पण तुला कळतो कुठे तो

माणसाचा शोध घेतो देव येथे

माणसाला देव सापडतो कुठे तो

पात्र नाही मी तुझ्या प्रेमास नक्की  

शोध घे तू बाहुला मिळतो कुठे तो

एक वेडा शांत आहे आत माझ्या

मीच घेतो शोध बडबडतो कुठे तो

                       - अभिजीत काळे.