***
इंद्रियांना कामनांचे चोचले
अन् मनाला.. माणसाने कोसले
आठवांचे कोष असते सांडले
पापण्यांनी.. बांध त्यांना घातले
आंधळ्या बुद्धीस आळस भेटला
कष्टही.. गळफास घेण्या धावले
फारकत अर्थासवे झाली म्हणे
अक्षरांना.. क्षर बनावे लागले
वाळवीने झाड पोखरले जरी
पाखरांचे.. बंड नाही सोसले
गोडवा चाखून नाही संपला
ओठ की..पोळे मधाने माखले
गोड कैर्या, चिंच, बोरे, आवळे
पण तुझ्या.. विरहात खारट वाटले
- अभिजीत काळे.
No comments:
Post a Comment