***
रंग जो हृदयात वाहतो आहे
तोच तर शब्दांत मांडतो आहे
वाट काट्यातून चालतो आहे
मी फुलांचा त्रास टाळतो आहे
सांगते आयुष्य थोर सूर्याचे
जन्म तो जाज्वल्य जाळतो आहे
एक का पुरणार जन्म प्रेमाला?
मी पुन्हा आयुष्य मागतो आहे
चाललो आहे पुढे कधीचा मी
काळ पण मागेच ओढतो आहे
तीर नाही मारला जरी मोठा.
मी जगाला फार जाचतो आहे!
ये अकाली ने मला, नको जगणे..
एवढा का वेळ लागतो आहे?
~ अभिजीत काळे.
No comments:
Post a Comment