***
आमची अस्मिता संपली भारता.
देशभक्ती असे आटली भारता.
पोट भरले तरी खादडी चालते!
तृप्तता त्यापुढे लाजली भारता.
फक्त पैसा हवा नीतिमूल्ये नको.
भ्रष्टता खोलवर पांगली भारता.
राजकारण इथे स्वार्थकारण असे,
हाव मंबाजिची वाढली भारता.
कष्ट युवकांस इथल्या नको आळशी.
लॉटरी पाहिजे लागली भारता.
भोग, सत्ता, विलासीपणा, लालसा.
भूक यांची कुठे भागली भारता?
झोपडी बांधता घर मिळाले फुकट.
झोपडी मी पुन्हा बांधली भारता.
~ अभिजीत काळे.
No comments:
Post a Comment